Por iomete varbi pri nia klubo kaj pri Esperanto ĝenerale ni jam dufoje ĉi-jare distribuis malgrandajn DIN-A6 formatajn flugfoliojn en la urbocentro de Frankfurt apud la ĉefgardeĵo (dt: Hauptwache). Precipe ni informis pri niaj regulaj renkontiĝoj en la Stattkafejo, kiuj kutime okazas ĉiun kvaran mardon de la monato.
Post longa tempo de abstino ĉi-jare ni fine festis nian kutiman kristnaskan kunvenon kaj kune kantis, muzikumis, prelegis poemojn kaj anektodojn kaj ĝuis la bonan etoson trinkante teon, ardovinon kaj manĝante multajn specojn da kuketoj kaj la faman kristnaskan kukon el Dresdeno.
Funkciigita de WordPress & Etoso de Anders Norén